१३ असोज । काभ्रेकोे बनेपामा मोटरसाइकलको ठक्करपछि एक बृद्धको मृत्यु भएको छ । प्रहरीका अनुसार बनेपा नगरपालिका ११ आईटीपार्क नजिक पनौतीबाट बनेपातर्फ जाँदै गरेको बा.प्र.०२–००७–प २९७८ नम्बरको मोटरसाइकलको ठक्करबाट पैदलयात्री सोही ठाउँ बस्ने ६० वर्षीय कैलाश थापाको शनिबार बिहान मृत्यु भएको छ ।
ठक्करबाट गम्भीर घाइते भएका उनको शीर मेमोरियल अस्पताल हुँदै अन्नपूर्ण न्यूरो अस्पताल काठमाडौंमा थप उपचारको क्रममा मृत्यु भएको हो ।
मोटरसाइकल चालकलाई प्रहरीले नियन्त्रणमा लिएको छ ।
दुर्घटनाका घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।
प्रतिक्रिया