भक्तपुरको सूर्यबिनायकमा टिपरको ठक्करबाट मोटरसाइकल यात्रीको मृत्यु

२० असोज । भक्तपुरको सूर्यबिनायकमा टिपरको ठक्करबाट मोटरसाइकल यात्रीको मृत्यु भएको छ ।
प्रहरीका अनुसार सूर्यविनायक नगरपालिका ५ श्रीजनानगर चोकमा हाल नम्बर नखुलेको टिपरमा बा.९७ प २९५० नम्बरको मोटरसाइकल ठोकिएर गएराति दुर्घटना हुँदा मोटरसाइकलमा सवार सोही नगरपालिका ८ दार्जिलिङ हाईट बस्ने सिन्धुपाल्चोक चौतारा साँगाचोक गढी नगरपालिका ६ घर भएका २३ वर्षीय राम शरण आलेमगरको मृत्यु भएको छ ।
दुर्घटनामा गम्भीर घाइते भएका उनको मध्यपुर अस्पताल ठिमी हुँदै नर्भिक अस्पताल काठमाडौंमा थप उपचारको क्रममा मृत्यु भएको हो । हाल फरार टिपर चालकको प्रहरीले खोजी गरिरहेको प्रहरीको भनाई छ ।