२१ असोज । नेपाली गायिका मेनुका पौडेल इण्डियन आइडल १४औं सिजनको अडिसन राउण्डमा सहभागी भएकी छिन् । उनले स्टेजमा उभिएर गीतमात्रै गाएकी छैनन् । उनको गीत सुनेर निर्णयकहरु धरधरी रोएका छन् ।
उनले ‘तुम्हारे विना हमरा कौन नही’ बोलको गीत गाइरहँदा निर्णयक श्रेया घोषाल र विशाल डड्लानी आँखाभरि आँशु पारेर रोएका थिए । उनले गीत गाएपछि केही समय वातावरण मौन र स्तव्ध बनेको थियो ।
दुवै आँखा देख्न नसक्ने मेनुकाले गोल्डेन माइक समेत हात पारेकी छिन् । गीत सुनेपछि निर्णायकहरु उठेर स्वागत गरेका थिए ।
गीत सुनेपछि विशालले ‘म म्युजिकलाई पूजा गर्छु, त्यो तिमी हौं । तिमीले दिल निकालेर अगाडि राखिदिएका छौं ।’ भन्दै मेनुकाको प्रशंशा गरे ।
मेनुकाले स्टेजमा श्रेयासँग गीत इच्छा व्यक्त गरेपछि ‘मोही रंग दो लाल’ बोलको गीत मेनुकासँगै गाइन् । मेनुकाले यो गीत गाउँदा गाउँदा श्रेया फेरि भावूक बनेकी थिइन् ।
मेनुका नेपाल आइडलमा समेत सहभागी भएर ११औं स्थानमा आएर कम भोट पाएको भन्दै बाहिरिएकी थिइन् ।
उनको भिडियो सार्वजनिक भएसँगै धेरै भारतीय युट्युवच्यानलहरुले रिभ्यु भिडियो बनाएर चर्चा गरेका छन् ।
नेपाली स्टेज विचैमा छोडेकी मेनुकाले इण्डिन आइडलको सुरुमै धमका मच्चाएर सुरुवात गरेकी छिन् आशा गरौं उनको इण्डियन आइडलको यात्रा ज्यादा सुखद हुनेछ । मेनुकालाई शुभकामना ।
प्रतिक्रिया