चलचित्र ‘पशुपतिप्रसाद २ : भष्मे डन’को ट्रेलर सार्वजनिक

२२ कात्तिक । बहुप्रतिक्षित चलचित्र ‘पशुपतिप्रसाद २ ः भष्मे डन’को ट्रेलर सार्वजनिक भएको छ ।
ललितपुरमा आयोजित एक कार्यक्रम आयोजना गरेर चलचित्रको ट्रेलर सार्वजनिक गरिएको हो ।
ट्रेलर सार्वजनिक कार्यक्रममा अभिनेता विपिन कार्की, अभिनेत्री स्वस्तिमा खड्कालगायत कलाकार सहभागी भए ।

विपिन कार्की, सौगात मल्ल र स्वस्तिमा खड्काको शीर्ष भूमिका रहेको चलचित्र ‘पशुपतिप्रसाद २ : भष्मे डन’ सात वर्षअघि प्रर्दशन भएको ‘पशुपतिप्रसाद’को दोस्रो श्रृंखलाको रुपमा बनाइएको हो । पहिलो चलचित्र पशुपति प्रसाद रजतपटमा सफल चलचित्र सावित भएको थियो ।
यही दशैंको सन्दर्भ पारेर कात्तिक ४ गतेबाट संसारभरका विभिन्न चलचित्र हलमा प्रर्दशनमा आउने यस दिपेन्द्र के खनालले निर्देशन गरेका छन् । चलचित्रको निर्माण खगेन्द्र लामिछानेले गरेका हुन् ।
कलाकारहरु विपिन कार्की, सौगात मल्ल र स्वस्तिमा खड्काको वरपर घुमेको यस चलचित्रको ट्रेलरले चलचित्रले गहन विषयबस्तु र फरक चरित्र निर्माण गर्नसक्ने कलाकारहरुले अभिनयको जादु देखाएको भान हुन्छ ।
यस चलचित्रमा अभिनेता विपिन कार्की सुनको दात हालेर चलचित्रमा उदाएका छन् । अभिनेत्री स्वस्तिमा खड्का पशुपतिमा दुर्गा माता बनेर डुलिहिड्ने पात्रको अभिनय गरेका छन् भने सौगात मल्ल मधेशी लवज बोल्ने गुण्डा पात्रको रुपमा चलचित्रमा देखिएका छन् ।
चलचित्रको ट्रेलरमा अभिनेता विपिन कार्की, सौगात मल्ल र स्वस्तिमा खड्का,प्रकाश घिमिरे, रविन्द्रसिंह बानियाँ, सजन थापा मगर, माओत्से गुरुङको अनुहार समेटिएको छ ।