काठमाडौं महानगरमा कुकुर विरालोको बन्ध्याकरण र रेविज विरुद्धको खोप

२३ असोज । काठमाडौं महानगरले आजदेखि शहरका कुकुर विरालोको बन्ध्याकरण तथा रेविज विरुद्धको खोप दिने कार्यक्रम सुरु गर्ने भएको छ ।
रातको बेला राजधानीका फुटपाथमा सामुदायिक कुकुरले टोक्ने खतरा बढेपछि महानगरपालिकाले बन्ध्याकरण गर्न सुरु गरेका हुन् । बन्ध्याकरणपछि दश देखि १५ बर्षभित्र कुकुर फुटपाथबाट हट्ने बताइएको छ । केही समयअघिसम्म नगरका कुकुर मार्ने अभियान नै चलाइन्थ्यो । पशुअधिकारकर्मीको विरोधपछि यसरी बन्ध्याकरण कार्यक्रम सुरु हुन थालेको हो ।
पहिलो चरणमा वडा नम्बर ४, ७, ९, ११, १४, १५, २५, ३१ र ३२ गरी ९ वटा वडामा कार्यक्रम चल्ने महानगरले जनाएको छ ।