भक्तपुर
२७ असोज । फोटो पत्रकार रत्नकृष्ण श्रेष्ठको एकल फोटो प्रदर्शनी आजबाट मध्यपुरथिमिमा सुरु भएको छ ।
मध्यपुर थिमिस्थित शङ्खधर मार्ग (वायरीलाँ) टोल सुधार समितिको आयोजनामा आजबाट कला, संस्कृति, जात्रापर्व र मध्यपुरको सांस्कृतिक विषयक फोटो प्रदर्शनी गरिएको समितिका अध्यक्ष रोशन बज्राचार्यले जानकारी दिएका छन् ।
फोटो प्रदर्शनीको मध्यपुरथिमि नगरपालिकाका उपप्रमुख विजयकृष्ण श्रेष्ठले उद्घाटन गरेका छन् । प्रदर्शनीको बारेमा जानकारी दिँदै आयोजक संस्थाका अध्यक्ष बज्राचार्यले मध्यपुरथिमिको ऐतिहासिक सम्पदा, संस्कृति, कला र जात्रापर्वलाई दसैँको अवसर पारेर आम थिमिवासीलाई जानकारी दिने उद्देश्यले फोटो प्रदर्शनी गरिएको बताए ।
फोटोपत्रकार श्रेष्ठले थिमिका विभिन्न पर्व, जात्रा, ऐतिहासिक सम्पदाहरूको ९० वटा फोटो प्रदर्शनीमा राखिएको जानकारी दिए ।
प्रतिक्रिया