काठमाडौंको टेकुबाट दशैंमा तास खेलिरहेका ७ जना पक्राउ

काठमाडौं
९ कात्तिक । काठमाडौंको टेकुबाट दशैंमा तास खेलिरहेका ७ जना पक्राउ परेका छन् ।
प्रहरीका अनुसार काठमाडौं महानगरपालिका १२ टेकु बस्ने कुसुम देउलाको घरमा जुवातास खेलिरहेको अवस्थामा सोही महानगरपालिका १२ बस्ने २२ वर्षीय रिक्की देउला समेत ७ जनालाई बुधबार दिउँसो प्रहरीले पक्राउ गरेको छ ।
विशेष सूचनाको आधारमा प्रहरी वृत्त कालिमाटीबाट खटिएको प्रहरीले उनीहरूलाई नगद ३ लाख ८६ हजार २ सय रुपैयाँ र १ बुक ताससहित पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।