काठमाडौं
१४ कात्तिक । काभ्रेको पनौती नगरपालिका २ सिलाभन्ज्याङस्थित सडकमा बा.४ ख ६७२३ नम्बरको गाडीको ब्रेक फेल भई सडकबाट करिब ६ सय मिटर तल खसेर मंगलबार दिउँसो दुर्घटना हुँदा २ जनाको मृत्यु भएको छ ।
मृत्यु हुनेहरूमा पनौती नगरपालिका कुशादेवी बस्ने ४०
वर्षीय चालक रबिन आचार्य र गाडीमा सवार बेथानचोक गाउँपालिका २ बस्ने ५० वर्षीय शिवबिक्रम केसी रहेका छन् ।
दुर्घटनामा गम्भीर घाइते भएका उनीहरुको सिर मेमोरियल अस्पतालमा उपचारको क्रममा मृत्यु भएको हो । साथै दुर्घटनामा गम्भीर घाइते भएकी १ जना महिलाको सोही अस्पतालमा उपचार भइरहेको छ ।