भक्तपुर दरवारपरिसरमै चोरी

१९ कात्तिक । सधै कडा सुरक्षा व्यवस्था हुने भक्तपुर दरवारपरिसर नजिकै समला गल्लीमा चोरी भएको छ ।
प्रहरीका अनुसार भक्तपुर नगरपालिका ३ दरबार स्क्वायर समला गल्ली डेरा गरी बस्ने भक्तपुर नगरपालिका ४ घर भएकी ६० वर्षीया कान्छी लबजुको कोठाबाट शनिबार राती चोरी भएको हो । उनको कोठाबाट रातको समयमा कोठामा कोही नभएको अवस्थामा विभिन्न सुनका गरगहना र नगद ६० हजार रुपैयाँ गरी २ लाख २५ हजार रूपैयाँ बराबरको धनमाल शनिबार राति चोरी भएको प्रहरीले जानकारी दिएको छ ।
चोरीमा संलग्न हाल फरार व्यक्तिहरूको खोजी गर्नुका साथै घटनाका सम्बन्धमा प्रहरीले आवश्यक अनुसन्धान गरिरहेको बताएको छ ।