चलचित्र दान्भीको पोस्टरमा अभिनेत्री पुजाको एक्सन अवतार

२० मंसिर । नेपाली चलचित्रमा प्रेम र रोमान्सको कथा बोकेर आउने अभिनेत्री पुजा शर्माको फरक पोस्टर सार्वजनिक भएको छ ।
भर्खरै सार्वजनिक भएको चलचित्र दान्भीको पोस्टरमा अभिनेत्री पुजाले मेसिनजन चलाएको पोस्टर सार्वजनिक भएको छ । उनले पोस्टर सार्वजनिक भएसँगै चलचित्रले फरक कथा बोकेको भान हुन्छ ।
पूजासँगै चलचित्रमा अनुप बोहरा, कुन्साङ बोमजमको भुमिका रहेको छ ।
चलचित्र रुपेश तामाङले निर्देशन गरेका छन् भने देव मगर, अनुप गडालले चलचित्र दान्भी निर्माण गरेका हुन् पवन रानामगर कार्यकारी निर्माता रहेको फिल्ममा कमला लिम्बु, पन्च बहादुर तामाङ, श्रवण कुमार श्रेष्ठ सह–निर्माता रहेका छन् ।
चलचित्रको पोस्टर हेर्दा भीएफक्स प्रविधिको सर्वाधिक प्रयोग गरिने अपेक्षा गरिएको छ । सत्यम रानाको भीएफक्स रहेको यो चलचित्रका टिजर र प्रर्दशन मिती चाडै सार्वजनिक गरिने निर्माण पक्षले बताएको छ ।