विमानस्थलबाट बरामद भएको १४ केजी सुनबारे छानबिन गर्न समिति गठन

२२ मंसिर । त्रिभुवन विमानस्थल भन्सार कार्यालयले बिहीबार राति दुबईबाट आएका यात्रुको साथबाट १४ केजी सुन बरामद भएको विषयमा छानबिन गर्न समिति गठन गरेको छ । भन्सार अधिकृत मणिराम पौडेलको संयोजकत्वमा ६ सदस्यीय समिति गठन गरिएको हो । समितिमा डीएसपी सूर्यप्रकाश सुवेदी, भन्सार अधिकृतहरू प्रकाश निरौला, डिल्लुप्रसाद शर्मा, लोकराज ढुंगाना र शाखा अधिकृत मञ्जु थापा रहेका छन् ।

बिहीबार राति करिब १४ केजी सुनसहित दुबईबाट आएका गोरखाका चन्द्र घले पक्राउ गरेका थिए । उनको बयानको आधारमा गोरखाकै मीनबहादुर घलेलाई पनि पक्राउ गरिएको छ । सुन परीक्षणका लागि भन्सार विभाग पठाइएको छ ।