नागढुंगाबाट दुई किलो सुनसहित तीन जना पक्राउ

२२ मंसिर । काठमाडौं । नेपाल प्रहरीले काठमाडौंको नागढुंगाबाट गाडीमा लुकाई ल्याएको दुई किलो अवैध सुनसहित तीन जना पक्राउ गरेको छ । रसुवाबाट काठमाडौं आउँदै गरेको ०१–०२८ च२६९६ नम्बरको स्कार्पियो गाडीबाट उक्त सुन फेला परेको हो ।
उपत्यका अरापध अनुसन्धान कार्यालयको टोलीले नागढुंगाबाट सुन बरामद गरेको जानकारी दिएको छ । पक्राउ पर्नेहरूमा रसुवाको गोसाइकुण्डका ग्यालछिङ तामाङ, सोहीका बिरु तामाङ र सुनिल भुजेल छन् । उनीहरूमाथि प्रहरीले थप अनुसन्धान जारी राखेको छ ।