ग्वार्कोमा धमाधम बन्दैछ फ्याइओभर (तस्विरहरु)

ललितखबर
२३ मंसिर । कोटेश्वर कलंकी सडकको आठ लेनको खुला सडक । गाडी सडकमा सरर गुड्छन् तर चोकमा सधै जाम ।

चीन सरकारले अनुदानमा बनाइदिएको यो सडकमा सरकारले आफ्नै लगानी गरेर फ्लाईओभर बनाउदैछ । सातदोवाटो र एकान्तकुनामा योजना बन्दैछ । ग्वार्कोमा धमाधम फ्लाई ओभरको काम भइरहेको छ ।

मंगलबजारबाट इमाडोलतर्फ जाने चोकमा ठेकेदारले पुल बनाउन पिलर गाढेको छ । दुवैतर्फका चार लेन बन्द छ । सडकमा करिव ५० जना कामदार दिनरात काम गरिरहेका छन् ।\

फ्लाईओभरको लागि पुलको फर्मा बनाउने र डण्डी बाध्ने काम सडकमै चालु छ । कामदार सडकमै छाप्रो बनाएर बसेका छन् ।