भक्तपुरको सूर्यबिनायक र सुडालमा एक एक जना मृत फेला

२५ मंसिर । भक्तपुरका सूर्यबिनायक श्रृजनानगर र सुडालमा एक एक जना मृत फेला परेका छन् ।
प्रहरीका अनुसार भक्तपुरको सूर्यबिनायक नगरपालिका ५ श्रृजनानगर बस्ने ४३ वर्षीया मायादेवी शाक्य आफ्नै सुत्ने कोठामा आइतबार मृत अवस्थामा फेला परेकी छन् ।
यसैगरी भक्तपुरको चाँगुनारायण नगरपालिका ८ सुडालस्थित टहरोमा डेरा गरी बस्ने सिन्धुपाल्चोक मेलम्ची पाचँपोखरी घर भएका ४५ वर्षीय सुकमान तामाङ सोही टहरोमा आइतबार मृत अवस्थामा फेला परेका छन् ।
घटनाहरुका सम्बन्धमा भक्तपुर प्रहरीले आवश्यक अनुसन्धान गरिरहेको जानकारी दिएको छ ।