काठमाडौंको न्यूनतम तापक्रम थप ओरालो

२५ मंसिर । काठमाडौँ उपत्यकाको न्यूनतम तापक्रम अघिल्लोपटकको मापनभन्दा केही घटेको छ।
मौसम पूर्वानुमान महाशाखाले आज बिहान ८:४५ बजे सार्वजनिक गरेको विवरणअनुसार उपत्यकाको न्यूनतम तापक्रम ६.१ डिग्री सेल्सियस देखिएको हो। यो नै आजको आधिकारिक न्यूनतम तापक्रम हो।
यसअघि आजै बिहान ६:४५ बजे मापन गर्दा काठमाडौँ उपत्यकाको न्यूनतम तापक्रम ६.२ डिग्री सेल्सियस देखिएको थियो।
हिजो भने काठमाडौँ उपत्यकाको न्यूनतम तापक्रम ६ डिग्री मात्रै थियो।