बच्चा जन्माउन अभिनेत्री रेखा अमेरिका प्रस्थान, भन्छिन्, ‘चन्द्रमा नै गए पनि कसैको टाउको नदुख्दैन’

२७ मंसिर । नेपाली चलचित्रकी अभिनेत्री तथा राप्रपा नेपालकी नेतृ बच्चा जन्माउन केही दिनअघि अमेरिका गइन् । बच्चा अमेरिकामा जन्माएर उतैको नागरिक बनाउन नेपाली चलचित्रकी अभिनेत्री अमेरिका उडेको चर्चासँगै उनले प्रतिकृया दिएकी छिन् ।
एक टेलिभिजन कार्यक्रममा अभिनेत्री रेखाले सबै परिवारको सदस्य अमेरिकामै रहेकाले घर गएको बताएकी छिन् । उनले अमेरिका छुट्टी मनाउन जान लागेको र आफू चन्द्रमा नै गएपनि कसैको टाउको नदुख्ने भनाई राखेकी छिन् ।
आफूले जन्माएको बच्चा १८ बर्ष भएपछि कहाँको नागरिक बन्ने उसैले निर्णय गर्ने उनको भनाई छ ।
रेखाले केही दिनअघि गर्भावस्थाको फोटोसुट पनि गरेकी थिइन् ।
राजनीतिक पार्टीमा आवद्ध रहेको राजनीतिमा समेत सक्रिय अभिनेत्री तथा नेतृको परिवारको बसोबास अमेरिका भएको खुलासा भएसँगै उनको नेपालमा राजनीति भविश्य कति लामो हुने भन्ने प्रश्न समेत उठेको छ ।