नैकाप ओरालोमा ट्रकले मोटरसाइकले ठक्कर दिएपछि एकजनाको मृत्यु, दुई घाइते

२९ मंसिर । काठमाडौंको नैकाप ओरालोमा ट्रकले मोटरसाइकले ठक्कर दिदा एकजनाको मृत्यु भएको छ भने दुई घाइते भएका छन् ।

प्रहरीका अनुसार काठमाडौंको चन्द्रागिरी नगरपालिका १४ नैकाप ओरालोमा ना.६ ख १९१६ नम्बरको ट्रकले बा.प्र ०२–०३० प ३०३६ नम्बरको मोटरसाइकललाई शुक्रबार बिहान ठक्कर दिएको थियो दुर्घटनामा मोटरसाइकलमा सवार धादिङ गल्छी गाउँपालिका ७ घर भई चन्द्रागिरी नगरपालिका ९ बस्ने ३ वर्षीय रियान्स सुबेदीको मृत्यु भएको छ ।
ठक्करबाट गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो ।
दुर्घटनामा घाइते भएका मोटरसाइकलमा सवार चालकसमेत २ जनाको सोही अस्पतालमा उपचार भइरहेको छ । घाइतेहरुको नाम प्रहरीले खुलाएको छैन भने ट्रक चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।