अभिनेता पल शाहको मुद्दा फेरि बल्झियो, दोहोर्याएर हेर्न सर्बोच्चको अनुमती

काठमाडौँ
३० मंसिर । नेपाली चलचित्रमा भट्टाभट अभिनय सुरु गरेपछि अभिनेता पल शाहको मुद्दा फेरि व्युताइएको छ ।

प्रमाणको समुचित मूल्यांकन नगरी उच्च अदालत पोखराले गत वर्षको फागुन ११ मा फैसला गरेको भन्दै अभिनेता पल शाहविरुद्धको फैसला दोहोर्याउन निस्सा प्रदान गरेको हो ।

सर्वोच्चका न्यायाधीशद्वय शुष्मालता माथेमा र हरिप्रसाद फुयालको संयुक्त इजलासले मुद्दा दाहो¥याएर हेर्न अनुमति दिएका हुन् ।

सर्वोच्चले पीडितको बकपत्र र प्रतिवादीको बयान तथा शारिरीक परीक्षण प्रतिवेदन तथा चिकित्सकको बकपत्र, पीडित र प्रतिवादीबीचको अडियो रकर्ड र त्यसको प्रतिवादीबाट अदालतको बयानमा रहेको स्वीकारोक्ति समेत रहेको उल्येख गरेको छ ।
उच्च अदालतका तत्कालीन कायममुकायम मुख्य न्यायाधीश डिल्लीराज आचार्य र न्यायाधीश श्रीधराकुमारी पुडासैनीको संयुक्त इजलासले केही महिनाअघि अभिनेता पल शाहलाई सफाइ दिएको थियो ।

अभिनेता शाहले बलात्कार गरेको भन्दै एक नाबालिगले २०७८ फागुन ११ गते तनहुँमा र फागुन १५ गते नवलपुर प्रहरीमा जाहेरी दिएकी थिइन् ।
अभिनेता शाह पछिल्लो समय चलचित्र मायावी र मायाँको रंगहरु म अनुबन्धित भएका थिए भने निरन्तर म्युजिक भिडियोमा व्यस्त थिए ।