काभ्रेमा स्कुटर दुर्घटना हुँदा एकको मृत्यु, एक गम्भीर घाइते

८ पुस । काभ्रेको पनौती नगरपालिका– १ बुढापोखरीमा स्कुटर दुर्घटना हुँदा स्कुटरचालकको मृत्यु भएको छ भने पछाडि सवार एक गम्भीर घाइते भएका छन्।

जिल्ला प्रहरी कार्यालय काभ्रेका अनुसार आइतबार दिउँसो पनौती– १ बुढापोखरीबाट पर्खालचौरतर्फ जाँदै गरेको बा.४१ प २५३२ नम्बरको स्कुटर आफैँ अनियन्त्रित भई सडकबाट अन्दाजी १५–२० फिट तल खसेको थियो।

दुर्घटनामा स्कुटरचालक सोही स्थान बस्ने ४५ वर्षीय मंगलबहादुर श्रेष्ठको घटनास्थलमै मृत्यु भएको जिल्ला प्रहरी कार्यालयका सूचना अधिकारी तथा प्रहरी नायव उपरीक्षक राजकुमार श्रेष्ठले जानकारी दिए। स्कुटरमा पछाडि सवार सोही स्थानका ३० वर्षीय कुमार श्रेष्ठ गम्भीर घाइते भएका प्रहरीले जनाएको छ। घाइते श्रेष्ठको उपचारका लागि शिर मेमोरियल अस्पताल पठाइएको प्रहरीले जनाएको छ।