अभिनेत्री नीति शाहको चुरीफुरी, पत्रकार पार्छिन् मख्खै

ललितखबर
१ माघ । राजधानी चलचित्र ‘खजुर ब्रो’को घोषणा कार्यक्रममा डेव्यु अभिनेत्री नीति शाहको चुरीफुरी हेर्नलायक थियो । उनी घरी चिउडो हातमा राखेर गम्थिन् । घर मुस्कुराउथिन् ।

चलचित्रहरुमा अभिनयको लागि अनुबन्धनपछि अलपत्र बनेर पर्दामा आउने मौका नपाई अल्झेकी नीति केही दिन छायाँकनको सेटमा अभिनय गरेर फर्केपछि पत्रकारहरुमाझ सार्वजनिक भएकी थिइन् ।

कार्यक्रममा पत्रकारहरुले चलचित्र निर्देशक र निर्मातालाई प्रश्नको बर्षा गरेर असजिलो गराई रहेको बेला अभिनेत्री नीति मुस्कुराई अनि पत्रकारलाई मख्ख पार्न थालिन् । उनले प्रश्नकर्ता पत्रकारको प्रश्न गर्ने शैली मन परेको भन्दै विषयान्तर गरिन् । उनले ती पत्रकारलाई सुन्दर (क्युट)रहेको भन्दै फेरि फेरि पनि भेटि रहन चाहेको बताइन् ।

उनले पटक पटक प्रश्न सोध्न आग्रह गरेरहेकी थिइन् । ती पत्रकारले आफ्नो नम्बर दिने भन्दै पत्रकार सम्मेलनमै जिस्केका थिए ।