बलत्कारको अभियोगमा टोखाबाट युवक पक्राउ

काठमाडौं
१० माघ । राजधानीको टोखाबाट बलत्कारको आरोपमा एक युवक पक्राउ परेका छन् ।
प्रहरीका अनुसार २२ वर्षीया महिलालाई बलत्कार (जबरजस्ती करणी)को अभियोगमा काठमाडौं टोखा नगरपालिका ग्राण्डी बस्ने नुवाकोट शिवपुरी गाउँपालिका ४ घर भएका २५ वर्षीय निरन्जन बुढाथोकीलाई बुधबार बिहान प्रहरीले पक्राउ गरेको हो ।
बुढाथोकीले ती महिलालाई काठमाडौं ग्राण्डीस्थित ग्रिनसिटी गेष्ट हाउसमा बलत्कार गरेको भन्ने उजुरीको आधारमा प्रहरी वृत्त महाराजगंजबाट खटिएको प्रहरीले उनलाई पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।