ललितपुर इमाडोलको तीनतले घरबाट हाम फाल्दा महिलाको मृत्यु, दुई वालक कोठामा अचेत, एकको मृत्यु

२७ माघ ।
२७ माघ । ललितपुर इमाडोलको तीनतले घरबाट एक महिलाले हाम फाल्दा उनको मृत्यु भएको छ भने दुई बच्चा कोठामा बेहास अवस्थामा फेला परेपछि अस्पतालमा लैजाने क्रममा एक वालकको पनि मृत्यु भएको छ ।
ललितपुर महालक्ष्मी नगरपालिका ३, इमाडोल ओचुहाइटमा बस्ने रविना महर्जनले घरको तीन तलामाथिबाट हामफाल्दा मृत्यु भएको जिल्ला प्रहरी परिसर, ललितपुरका एसएसपी शेखर खनालले बताए ।
लगत्तै कोठामा दुई जना बच्चा पनि बेहोस अवस्थामा भेटिएका थिए । उनकी छोरी २ वर्षीया रविना महर्जन र ६ वर्षीय अश्वेत महर्जनलाई पनि बेहोस अवस्थामा उद्दार गरेर किस्ट अस्पताल लगिएको थियो । दुवैको पनि उपचारका क्रममा मृत्यु भएको एसएसपी खनालले बताए ।

दुई जनाको मृत्युको कारण खुलेको छैन । घरमा उनी श्रीमान्, सासु र दुई सन्तानसहित बस्दै आएकी थिइन् । घटना भएका बेला घरमा श्रीमान् थिएनन् ।