काठमाडौं कीर्तिपुरमा मोटरसाइकल दुर्घटनापछि चालकको मृत्यु

६ फागुन । काठमाडौं कीर्तिपुरमा भएको मोटरसाइकल दुर्घटनापछि एक युवकको मृत्यु भएको छ ।
प्रहरीका अनुसार नगरपालिका ६ स्थित सडकमा बा.प्र.०२–०३० प ३८५६ नम्बरको मोटरसाइकल अनियन्त्रित भई करिब १५ मिटर तल खसेर आइतबार बिहान दुर्घटना भएको थियो र दुर्घटनापछि चालक किर्तिपुर नगरपालिका ७ भाजंगल घर भएका २४ वर्षीय सबुन महर्जनको मृत्यु भएको हो ।
दुर्घटनामा गम्भीर घाइते भएका उनको कीर्तिपुर अस्पतालमा उपचारको क्रममा मृत्यु भएको प्रहरीले जानकारी दिएको छ ।