चलचित्र ‘महाजात्रा’ : पैसा लुकाउने खेल

काठमाडौँ
८ फागुन । चलचित्र जात्रा सिरिजमा निर्माण भइरहेको चलचित्र ‘महाजात्रा’को टिजर सार्वजनिक भएको छ । पैसा सुन हुँदै चलचित्र ‘महाजात्रा’मा पैसा लुकाउने लुकामारी रहेको चलचित्रको टिजरले संकेत गरेको छ ।
निर्देशक प्रदीप भट्टराइले ’जात्रा’, ’जात्रै जात्रा’ हुँदै तेश्रो सिरिजको रुपमा महाजात्राको निर्देशन गरेका हुन् ।
बक्सअफिसमा जात्रा सिरिजले राम्रो व्यापार गरेको थियो । पहिलो चलचित्र ‘जात्रा’मा पैसा लुकाउन र दोश्रो चलचित्र ‘जात्रै जात्रा’मा सुन लुकाउने क्रममा पाएको दुःख चलचित्रमा उनिएको थियो । चलचित्रमा फडिन्द्र पात्र विपिन कार्कीको मुख्य भूमिका रहेको ‘महाजात्रा’ तेश्रो चलचित्र हो ।
चलचित्र जात्रै जात्रामा हास्य कलाकार राजाराम पौडेल यस सिरिजमा भित्रिएका थिए भने महाजात्रामा अर्का हास्य कलाकार हरिब्रश आचार्यले समेत अभिनय गरेका छन् ।
चलचित्र कलाकारहरू विपिन कार्की, रविन्द्र झा, रविन्द्र सिंह बानियाँ वरिपरि घुमेको छनक दिएको् छ । चलचित्रको कथामा सफल हास्य कलाकार हरिवंश आचार्य पनि मिसिएको बुझ्न कठीन पर्दैन ।

कलाकार समेत रहेका रविन्द्र सिंह बानियाँ कार्यकारी निर्माता रहेको चलचित्र महाजात्रामा निर्माता म्याक्स दीपेश खत्री र यज्ञश्वर छन् । चलचित्रमा वर्षा राउत, राजाराम पौडेल, अर्जुन जंग शाही, शिशिर वाङ्देल, पुष्कर गुरुङ, प्रकाश घिमिरे, गौमाया गुरुङ, दिव्य देव, रजनी गुरुङ, सुमन कोइराला, अर्विन खड्का लगायतका कलाकारको अभिनय हेर्न पाइन्छ ।