चलचित्र ‘अगस्त्य च्याप्टर १’को ट्रेलरको चौतर्फी तारिफ

८ फागुन । चलचित्र ‘अगस्त्य च्याप्टर १’को सार्वजनिक ट्रेलरले चौतर्फी तारिफ पाएको छ । टिजर ५ दिनमै ६ लाख ५० हजार दर्शकले हेरेका छन् ।

फस्टलुक र टिजर सार्वजनिक भएदेखि नै चासोको विषय बनेको यो चलचित्रले ट्रेलर चलचित्रका लागि कलाकार सौगात मल्ल र नाजिर हुसेनले गरेको मिहिनेतको सर्वत्र प्रशंसा भइरहेको छ । यो चलचित्रका लागि सौगातले आफ्नो तौल २० केजी घटाएर १० केजी बढाएका थिए । उनले तौल घटाएर बनाएको शरीर, ४५ डिग्री तापक्रममा अभिनय निर्माण पक्षले बताएका छन् ।

अभिनेता सौगातको चरित्र रोमान्टिक, एक्सन र मानसिक सन्तुलन गुमेको चरित्र गरी तीनवटा अवस्थामो छ । अर्का नायक नाजिरले चलचित्र कै लागि २० किलो तौल बढाउनुले आफ्नो चरित्रका लागि कति मेहनत गरेका छन् भन्ने प्रस्ट्याउँछ ।

चलचित्रमा सौगात र नाजिरको एक्सनलुक्स, प्रमोद अग्रहरिको भिलेन लुक्स र र निश्चल बस्नेतको झलकले पनि चलचित्रको महत्त्व बढाइदिएको छ ।

फागुन ३ गते युट्युबमा सार्वजनिक भएको ट्रेलरमा सकारात्मक प्रतिक्रिया दिएका छन् । ट्रेलर सार्वजनिक भएपछि दर्शकलाई चलचित्रप्रति अझै उत्सुकता पैदा गराएको छ ।
चलचित्रका लेखक तथा निर्देशक सौरभ चौधरी रहेका छन् भने विश्व गौचन र अभिषेक चौधरी कार्यकारी निर्माता छन् । प्रकाश मल्ल, अनिस तामाङ र विनोद पौडेल निर्माता रहेको यस चलचित्रमा सञ्जय लामाको छायांकन, निर्देशक चौधरी स्वयंको लेखन, निमेष श्रेष्ठको सम्पादन, कविराज गहतराजको कोरियोग्राफी, श्री श्रेष्ठको द्वन्द्व निर्देशन र एसडी योगीको संगीत छ ।
यो चलचित्र फागुनको १८ गते नेपालसँगै विश्व भरबाट प्रर्दशन हुनेछ ।