त्रिभुवन अन्तर्राष्ट्रिय विमानस्थलको गेटबाट झण्डै डेढ किलो सुन सहित भारतीय नागरिक पक्राउ

काठमाडौं
१३ फागुन । त्रिभुवन अन्तर्राष्ट्रिय विमानस्थलको गेटबाट झण्डै डेढ किलो सुन सहित भारतीय नागरिक पक्राउ परेका छन् ।
प्र्रहरीका अनुसार त्रिभुवन अन्तर्राष्ट्रिय विमानस्थलबाट सुन जस्तो देखिने पहेँलो रंगको वस्तुले लेपन गरिएको करिब ७ सय ग्राम र शंकास्पद धुलो रहेको कफिको ३ वटा प्याकेटमा रहेको ७ सय ४० ग्राम गरी जम्मा १ किलो ४ सय ४० ग्रामसहित भारतीय नागरिक ३७ वर्षीया तशलिम सुलताना बुस्रा शनिबार दिउँसो पक्राउ परेकी छिन् ।
नेपाल एयरलाईन्सको उडानद्वारा दुबईबाट काठमाडौं आएकी उनलाई त्रिभुवन अन्तर्राष्ट्रिय विमानस्थलको आगमन टनेल गेटमा चेकजाँच गर्ने क्रममा उक्त वस्तुसहित फेला पारी प्रहरीले उनलाई पक्राउ गरेको हो ।
उनलाई आवश्यक अनुसन्धान तथा कारबाहीको लागी भन्सार कार्यालय गौचरमा पठाइएको प्हरीको भनाई छ ।