निजगढको एक वर्कसपमा ग्याँस सिलिन्डर विस्फोट हुँदा एक जनाको मृत्यु

१४ फागुन । निजगढकाे एक वर्कसपमा ग्याँस सिलिन्डर विस्फोट भएर आगलागी भएकाे छ । सोमबार दिउँसाे निजगढकाे सहिदचोकस्थित रोहित वर्कसपमा आगलागी हुँदा एक जनाकाे मृत्यु भएकाे छ भने ४ जना घाइते भएका छन् ।

वर्कसपमा कामदारहरुले काम गरिरहेकाे समयमा अचानक ग्याँस सिलिन्डर पड्किएकाे थियाे । सिलिण्डर विष्फाेट भएर आगलागी हुँदा ४ जना घाइते भएका हुन्। जसमध्ये दुईजनाको अवस्था गम्भीर रहेको छ ।

घाइते हुनेमा भारतका २० वर्षीय अरविन शाह र ३५ वर्षीय राकेश जैसवाल रहेका छन् । २० वर्षीय रितु रजतकाे भने ठेगाना खुलेकाे छैन । निजगढ नगरपालिका ५ बस्ने ४५ वर्षीय सूर्यबहादुर थापाको अवस्था भने सामान्य घाइते भएका छन् ।

हाल घाइतेहरूको निजगढ नगरपालिका– ९ स्थित निजगढ सामुदायिक अस्पतालमा उपचार भइरहेको छ। प्रहरीका अनुसार यस विषयमा थप अनुसन्धान भइरहेकाे छ ।