पाँचखालमा अमेरिकासहित १८ देशका ११ सय ६२ सैनिक

१६ फागुन । काभ्रेपलान्चोकको पाँचखालमा अमेरिकासहित १८ देशका सैनिकहरू जम्मा भएका छन् । अभ्यास शान्ति प्रयास–४ अन्तर्गत संयुक्त तालिममा सहभागी हुन उनीहरू पाँचखालमा आएका हुन् । अमेरिका र अस्ट्रेलियासहित १८ देशका सैनिकहरूलाई ‘संयुक्त राष्ट्रसङ्घीय शान्ति मिसन’ मा कसरी काम गर्ने भन्नेबारे तालिम सञ्चालन भइरहेको नेपाली सेनाले जनाएको छ ।

अमेरिका, अस्ट्रेलिया, पाकिस्तान, बङ्गलादेश, फिजी, घाना, मलेसिया, इन्डोनेसिया, मङ्गोलिया, थाइल्यान्ड, उरुग्वे, दक्षिण कोरिया, श्रीलङ्का, भियतनाम, क्यानडा, फिलिपिन्स, नाइजेरिया र अमेरिकन सैनिकले तालिम लिइरहेका हुन् । ८ फागुनमा प्रधानमन्त्री पुष्पकमल दाहाल ‘प्रचण्ड’ ले तालिम शुभारम्भ गरेका थिए ।