चलचित्र ‘एक्टर’बाट अभिनेत्री दिव्या रायमाझी डेव्यु गर्दै

काठमाडौं
१७ फागुन । अभिनेत्री दिव्या रायमाझी चलचित्र ‘एक्टर’मार्फत डेव्यु कलिउडमा गर्ने छन् ।
अभिनेता प्रदीप खड्काको प्रमुख भूमिकामा अभिनय रहने चलचित्र ‘एक्टर’मा निर्माणपक्ष र दिव्याका तर्फबाट उनका अभिनेता पिता दिलीप रायमाझी र आमा मञ्जु रायमाझीबीच चलचित्रका लागि कागजी संझौता भएको छ ।

निर्माण पक्षका अनुसार दिव्याले भर्चुअल कुराकानीपछि चलचित्रमा काम गर्न सहमति जनाएकी थिइन् । अमेरिकामा अध्ययनरत रहेकी दिव्याले कथावस्तु र आफ्नो भूमिका मन परेपछि दिव्याले यो चलचित्रमा काम गर्न राजी भएको बताएकी छिन् । दिव्या अब यही चलचित्रका लागि केही सातापछि नेपाल आउँदैछिन् ।

चलचित्रमा नायिका आना शर्मा र नायक राजवल्लभ कोइरालाको पनि मुख्य भूमिका रहनेछ ।

राजन भुसालको निर्देशन रहने फिल्ममा थमनकुमार भण्डारीको लगानी छ । अदृत फिल्मसको प्रस्तुतिमा निर्माण हुन लागेको यो चलचित्रको सह–निर्मातामा एनिस भुसाल छन् ।

चसिचत्रको छायांकन वैशाख पहिलो साताबाट सुरु हुनेछ । चलचित्रलाई आगामी वर्षको कात्तिक १५ मा रिलिज गर्ने तयारीमा निर्माणपक्ष छ । यो चलचित्रमा नरेन्द्र मैनालीको छायांकन रहनेछ । चलचित्रमा रित बोहरा सहयोगी निर्देशकको रुपमा रहेका छन् ।