अभिनेत्री नन्दिता केसी वैवाहिक बन्धनमा

काठमाडौँ
१९ फागुन । अभिनेत्री नन्दिता केसीले शनिबार विवाह गरेकी छिन् । राजधानीको एक होटलमा उनले प्रेमी अरविन्द्र कट्वालसँग विवाह गरेकी हुन् ।
बैवाहिक समारोहमा आफन्त, कलाकर्मी र शुभेच्छुक बधाई र शुभकामना दिन पुगेका थिए । चलचित्र ‘इन्द्रेणी’बाट रजतपटमा प्रवेश गरेकी अभिनेत्री केसीका ३ दर्जनभन्दा धेरै चलचित्रमा अभिनय गरिसकेकी छिन् । उनका पति कट्वाल मुटुरोग विशेषज्ञ हुन् । उनी अमेरिकामा बस्छन् ।
अभिनेत्री केसी रातो साडीमा विछट्टै राम्री देखिएकी छिन् । भने वैवाहिक समारोहमा उनी हँसिली देखिएकी छिन् ।