२३ फागुन । नेपाली कांग्रेसका सभापति शेरबहादुर देउवाले नेकपा (एकीकृत समाजवादी) का अध्यक्ष माधवकुमार नेपालसँग भेटेर सहकार्यको प्रस्ताव राखेका छन् । बुधबार बिहान अध्यक्ष नेपालको कोटेश्वरस्थित निवास पुगेर सभापति देउवाले आगामी दिनमा पनि सहकार्यको प्रस्ताव गरेका हुन् ।
भेटका क्रममा देउवाले नेपाललाई प्रधानमन्त्री पुष्पकमल दाहाल ‘प्रचण्ड’ले धोका दिए, अब सँगै मिलेर अघि बढ्न आग्रह गरेको स्रोतले बताएको छ। नेपालले आज बिहान बस्ने पार्टीको बैठकमा कुरा राख्ने र त्यसपछि निर्णय लिने जवाफ दिएका थिए।
यसअघि मंगलबार साँझ प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओली नेपाललाई भेट्न पुगेका थिए । ओलीले आफ्ना विश्वासपात्रहरू उपाध्यक्ष विष्णु पौडेल र महासचिव शंकर पोखरेललाई पनि संगै लिएर गएका थिए । उता, एकीकृत समाजवादीका तर्फबाट महासचिव घनश्याम भुसाल र उपाध्यक्ष प्रमेश हमाल सहभागी थिए ।
प्रतिक्रिया