काठमाडौं महानगरका मेयर बालेनले चलचित्र ‘अगस्त्य’ हेरेपछि गरे तारिफ

काठमाडौं
२९ फागुन । काठमाडौं महानगरपालिकाका मेयर बालेन शाह आफ्नो टिम सहित चलचित्र ‘अगस्त्य’ हेरेपछि तारिफ गरेका छन् ।
सौरभ चौधरीको लेखन तथा निर्देशन रहेको चलचित्र हेरेपछि मेयर बालेनले निर्देशको चोधरीको सोच, कलाकारहरुले गरेको मेहेनत र छायांकन पक्षको प्रशंसा गर्दै राम्रो लागेको प्रतिक्रिया दिए ।
डार्क हर्स इन्टरटेनमेन्ट र सेभेन सिज इन्टरटेनमेन्टको प्रस्तुति रहेको फिल्ममा सौगात मल्ल, नाजिर हुसेन, मलिका महत, प्रमोद अग्रहरी, विजय बराल, रवीन्द्र झा, बेन बस्नेत, शिशिर वाङ्गदेल, सिम्रन खड्का, प्रकाश दाहाल, गजेन्द्र त्रिपाठी लगायतको अभिनय छ ।
दर्शकबाट पाएको उत्सपूर्वक प्रतिक्रियासँगै व्यापार राम्रो भएको दाबी गर्दै निर्माण पक्षले ’अगस्त्य च्याप्टर २’ निर्माणको घोषणा गरेको छ । जसलाई सन् २०२६ भित्र सार्वजनिक प्रदर्शन गर्ने बताइएको छ ।
चलचित्र प्रर्दशनको दोस्रो सातामा प्रवेश गरेको छ ।
चलचित्र अगस्त्य दोस्रो सातामा कम शोहरु पाएको भएपनि दर्शकको चाप भने नघटेको दर्शकको अकुपेन्सी सुखद रहेको निर्माण पक्षको भनाई छ ।
फगुनको १८ गतेबाट प्रदर्शनमा आएको एक्सन–थ्रीलर फिल्म ‘अगस्त्य’को दिवा र रात्रि शोजमा दर्शकको चाप उच्च रहेको छ ।