अभिनेता सलोन दम्पतीले गरे गर्भावस्थाको फोटोसुट

ललितखबर
३० फागुन । अभिनेता सलोन बस्नेत र पत्नी करिश्मा श्रेष्ठले गर्भावस्थाको तस्विर खिचेर सार्वजनिक गरेका छन् ।
बस्नेत दम्पतीले गर्वाबस्थाको तस्विरहरु सामाजिक सञ्जालमा प्रकाशन भएसँगै विभिन्न सञ्चारमाध्यमहरुले साभार गर्दै चर्चा सुरु गरेका छन् ।
बस्नेत खानदानका पछिल्ला चलचित्रकर्मीका रुपमा सलोन बस्नेल पछिल्लो समय चलचित्रबृत्तमा चर्चामा छन् । उनका वावु सोभित बस्नेच नेपाली चलचित्र क्षेत्रका चर्चित निर्देशक तथा निर्माता हुन् । उनका काका जनकिसन बस्नेत पनि नेपाल चलचित्र क्षेत्रका स्थापित अभिनेता हुन् ।
प्रकाशित तस्विरमा दुवै जना जिन्स आउटफिटमा फोटोसुट गरेको देख्न सकिन्छ ।

उनीहरू दुवैले जिन्स ज्याकेट र जिन्स पाइन्ट लगाएका छन् । करिश्माले पाइन्टको जिपर खुला राखेकी छन् भने तस्विरमा दुवै जनालाई निकै खुशी मुद्रामा देख्न सकिन्छ ।

सलोन र करिश्माको गतवर्ष मंसिर १२ गते विवाह भएको थियो । प्रेम सम्वन्धलाई पूर्णता दिँदै उनीहरू विवाह बन्धनमा बाँधिएका थिए ।
करिष्मा श्रेष्ठ पेशाले एअर होस्टज हुन् ।