किन बोल्ड छिन् अभिनेत्री आँचल ?

७ चैत्र । केही बर्षअघि मोटी देखिने आँचल शर्मा आजकल फिट छिन् । उनी बेला बेलामा सामाजिक सञ्जालमा बोल्ड तस्विर पनि सार्वजनिक गर्छिन् । अनि फ्यान र फलोहरहरुको प्रशंसा बटुल्छिन् ।
नियमित डाइटिङ र कसरतपछि पछिल्लो समय उनले शरिरलाई फिट देखिन्छ । साडी कुर्था होस् वा वानपिसमा उनी झन् सुन्दर देखिन्छिन् ।
उनी जे पायो त्यही खान्नन् । पार्टी र सार्वजनिक कार्यक्रममा उनी कयौं पल्ट भोकै फर्केकी छिन् ।

चलचित्र ‘नाई नभन्नु ल ६’ बाट सफलताको स्वाद चाख्न नपाए पनि यी सुन्दरी नायिकाको हातमा पछिल्लो समय चलचित्र लाइन छन् । चलचित्रहरु ‘एक मुठ्ठी बादल’ ‘बर एण्ड बधू, पिताम्बर, दुःखी आत्मा’ छायाँकनको तयारीमा छन् ।
केही दिनअघि जन्मदिनको छेको पारेर आँचलले बोल्ड तस्विर सार्वजनिक गरिन् । उनको तस्विरमा कयौं संख्यामा प्रशंसा गरिएका कमेन्ट आएका छन् ।
हुन त उनको यो बोल्ट अवसर सामाजिक सञ्जालमा पहिलो पल्ट आएको होइन । उनी आफ्नो हट तस्विर बारम्बार सामाजिक सञ्जालमा राख्छिन् अनि प्रशंसा बटुल्न खप्पिस छिन् ।