चलचित्र ‘बद्री बहादुर’को ट्रेलरमा ‘अश्लिल’ संवाद

ललितखबर
९ चैत्र ।

नेपाली टेलिचलचित्रमा सुनिदै आएको द्वअर्थी र अश्लील संवाद चलचित्र बद्रीबहादुरमा रहेको पाइएको छ ।
विहीबार राजधानीमा सार्वजनिक गरिएको ३ मिनेट ३२ सेकेण्ड लामो ट्रेलरमा अश्लील र हेर्न अप्ठ्यारो लाग्ने संवाद राखिएको छ ।
‘पक्कै पनि मेरो बालाई सेक्सी भूतले छोयो’,‘पाइन्ट खोल अर्कै चीज तान्छ’  ‘कुकुरबाट डगीस्टायल मात्रै सिकेर भएन’,‘तेरो बुढीलाई हामीले किस खान माग्यो भने ५ सय रुपैयाँ माग्छ , अझ अर्को थोक गर्न पर्यो भने त हजार’ जस्ता अश्लील लाग्ने संवाद ट्रेलरमै राखिएको छ ।
हस्यप्रधान चलचित्र भन्दै प्रचार गरिए पनि चलचित्रको ट्रेलरमा हाँसो लाग्ने संवाद भने राखिएको छैन । चलचित्रको प्रचार हास्न नसक्नेले चलचित्र नहेर्नुहोला भन्दै प्रचार गरिएको थियो ।

चलचित्रको ट्रेलरमै आपत्तीजनक अश्लील संवाद राखिएकोबारे  विहीबार आयोजित सार्वजनिक कार्यक्रममा एक पत्रकारले प्रश्न उठाएका थिए ।
चलचित्रका निर्देशक शोभित बस्नेतले चलचित्रको ट्रेलरमा अश्लील र द्वअर्थी संवाद राखिएको स्वीकार गरे । उनले भने, ‘अरु चलचित्रमा पनि अश्लील लाग्ने द्वअर्थी संवाद राखिएको छ । हामीले पनि राखेका छौं ।’
सञ्चारकर्मी तथा विकास बोर्डका सदस्य समेत रहेका रवि अधिकारी कार्यकारी निर्माता रहेको चलचित्र विजय गोपाल दली प्रस्तुतकर्ता र मिथुन भोटे चलचित्रको निर्मातामा छन् ।
एवी पिक्चर्स फार्म र सलोन सलिना फिल्मस्को ब्यानरमा निर्माण भएको यस चलचित्रमा कलाकारहरु जय किसन बस्नेत, एलिना गुरुङ, छुल्ठिम गुरुङ, राजीव जंग बस्नेत, धिरेन शाक्य, उत्तम केसी, वर्षा चौलागाई र निर्देशक शोभित बस्नेतले समेत अभिनय गरेका छन् । चलचित्रको गीतमा अभिनेता सलोन बस्नेत र अभिनेत्री पूजा शर्मालाई समेत देख्न पाइन्छ ।
फिल्ममा टंक बुढाथोकी र उजन नेम्वाङको संगीत, रामकाजी घिमिरे लेखन, शंकर महर्जनको द्वन्द्व निर्देशन, रामजी राउत र ज्ञान कुमार कट्टेलको मुख्य सहायक निर्देशन तथा समिर मियाँ सम्पादन छ ।
आरआर फिल्म्सले वितरण गर्ने फिल्मलाई काठमाडौं, लमजुङ्ग, धरान र संखुवासभा क्षेत्रमा छायांकन गरिएको हो ।