चलचित्र ‘डिग्री माइला’को ट्रेलर सार्वजनिक, अहंकारी युवकको कथा रहेको खुलासा

९ चैत्र । यही चैत्रको ३० गतेबाट प्रर्दशनको तयारीमा रहेको चलचित्र ‘डिग्री माइलाः एम ए थर्ड क्लास’को ट्रेलर प्रशारण गरिएको छ । राजधानीमा एक कार्यक्रम आयोजना गरेर सार्वजनिक गरिएको ट्रेलरमा एक अहंकारी युवकका कारण गाँउ र समाजमा पारेको असरबारे चलचित्र निर्माण गरिएको रहस्य खुलेको छ ।
चलचित्रमा डिग्री हासिल गरेका माइला पात्रको भूमिका अभिनेता दयाहाङ राईले निभाएका छन् ।
चलचित्रको ट्रेलरमा डिग्री पास गरेको उनले गाउँ पुगेपछि घमन्ड र रवाफवरिपरि चलचित्र घुमेको ट्रेलर हेरेपछि बुझ्न सकिन्छ । चलचित्रमा दयाहाङ राई, आँचल शर्मा, माओत्से गुरुङ, प्रकाश घिमिरे, विजय बराल, बुद्धि तामाङ, कमलमणी नेपाल, शेखर चापागाँई, हिउँवाला गौतमलगायतका कलाकारले अभिनय गरेका छन् ।
शिवराम श्रेष्ठ र रिले एस सेनको छायांकन रहेको फिल्ममा निमेष श्रेष्ठको सम्पादन, रेनशा वान्तवा राइको कोरियोग्राफी छ ।
चलचित्रमा अभिनेता दयाहाङ राई र अभिनेत्री नायिका आँचल शर्माबीचको रोमान्स रहेको ट्रेलर मार्फत खुलेको छ ।
बाँसुरी फिल्मस्को प्रस्तुतिमा सुष्मा प्रोडक्शनको सहकार्यमा निर्माण भएको यो फिल्ममा विशाल गुरुङ, मणिराम पोखरेल, मधु मिजार, सुष्मा गुरुङको लगानी छ । फिल्ममा कृष्ण लामा कार्यकारी निर्माताको रुपमा छन् ।