नेकपा एमाले ललितपुरले प्रतिनिधिसँग शुल्क उठाएर महाधिवेशनको खर्च जुटाउने

ललितखबर

२१ चैत्र । नेकपा एमालेले पार्टी प्रतिनिधिसँग शुल्क उठाएर जिल्ला अधिवेशनको खर्च जुटाउने भएको छ । बुधबार ललितपुरमा आयोजित पत्रकार सम्मेलनमा जिल्ला अध्यक्ष पुरूषोत्तम आचार्यले दिएको जानकारी अनुसार विभिन्न जनसंगठन र कमिटीहरूबाट छनाेट भएर आउने प्रतिनिधिसँग १ हजार लिइनेछ ।

जिल्ला अध्यक्ष आचार्यले जिल्लाको कमिटीहरूसँग समेत शुल्क उठाउने जानकारी दिए । नेकपा एमाले ललितपुरको नवौ अधिवेशन यही चैत्र २३ गतेदेिख २५ गतेसम्म इमाडोेलस्थित एक पार्टी प्यालेसमा हुँदैछ । अधिवेशनको शुभारम्भ पार्टी अध्यक्ष केपी शर्मा ओलीले गर्ने कार्यक्रम रहेको छ ।

सोही दिन साँझ बन्दसत्र शुरू हुनेछ भने चैत्र २४ गतेबाट शुरू हुनेछ । अधिवेशनले नयाँ नेतृत्व समेत चयन गर्ने कार्यक्रम रहेको हुँदा निर्वाचनको मतदान विधुतीय मेसिनबाट हुने ललितपुरमा आयोजित पत्रकार सम्मेलनमा जानकारी दिइयो । अधिवेशनमा करिव ५ सय जना प्रतिनिधि सदस्यले नयाँ नेतृत्वको लागि मतदान गर्दैछ ।