चलचित्र ‘डम्बरे’को छायाँकन सुरु, चलचित्र तयार भएपछि प्रर्दशन मिती घोषणा हुने

काठमाडौँ
२२ चैत्र । निर्देशक उदय सुब्बाले चलचित्र ‘डम्बरे’को छायाङ्कन सुरु गरेका छन ।
शनिबारदेखि झापाबाट चलचित्रको छायाङ्कन सुरु भएको निर्देशन उदय सुब्बाले बताए । निर्देशक सुब्बाले फिल्मको छायाङ्कन हल्लाखल्ला नगरि गुपचुप रूपमा सुरु गरेका हुन् ।
निर्माण पुरा भएपछि मात्र चलचित्रको विषयमा हल्ला गर्ने उद्देश्यले फिल्मको छायाङ्कन गुपचुप सुरु गरेको निर्देशक सुब्बाले बताए ।
चलचित्रमा अर्जुन गुरुङ, चन्दा दाहाल, जीवन लिम्बु, विजय लिम्बु, धिरज परेवा, विजय राई, राजेन्द्र दाहाल अलवा निर्देशक सुब्बाको पनि मुख्य भूमिका रहनेछ ।
एसएस इन्टरनेशनल फिल्मस् प्रालीको ब्यानरमा निर्माण हुन लागेको चलचित्रको छायांकार बिक्रम डिसी हुन् । विकास चौधरीको सङ्गीत, विजय लिम्बुको द्वन्द्व रहेको चलचित्र झापा र इलामका विभिन्न स्थानमा छायाङ्कन हुनेछ ।
चलचित्रको छायाङ्कन सेडुल एक महिनाको रहेको छ । चिलचित्रमा ‘डम्बरे’को शीर्ष भूमिकामा अर्जुन गुरुङ देखिछन् । फरक ढंगबाट परदेशीएका युवाको कथालाई डम्बरेमा देखाइने उनले बताए ।
इन्द्र लिम्बुको निर्माण रहेको फिल्मको कथा युवाहरूमा बेरोजगारीले निम्त्याएको विभिन्न समस्या बनाइएको छ ।