अभिनेत्री कोपिला थापा सडक दुर्घटनामा घाइते

२३ चैत । नेपाली चलचित्रकी चर्चित चरित्र अभिनेत्री कोपिला थापा गम्भीर घाइते भएकी छन् । भारतको पन्जाबमा भएको सडक दुर्घटनामा केही दिन अगाडि उनी घाइते भएको नेपाल चलचित्र कलाकार संघका अध्यक्ष मोहन निरौलाले जानकारी दिए ।

एक कार्यक्रममा सहभागी भएर पञ्चकुलातिर फर्किएको उनीहरू चढेको कार दुर्घटना भएको थियो । दुर्घटना लगत्तै स्थानीयले उद्धार गरेर उनीहरूलाई चण्डीगढस्थित नेहरु अस्पताल पुर्‍याएका थिए ।

कोपिलासँगै कारमा सवार यात्रु रुपा थापाको मृत्यु भएको र गोपाल नामका एकजना नेपाली घाइते भएको बताइएको छ । दर्जनौँ नेपाली फिल्म अभिनय गरेकी कोपिला फिल्म ‘महापुरुष’ मा मदनकृष्णको पत्नीको रोलमा देखिएकी थिइन् ।