मृत युवककाे टाउको कुकुरले गाउँमा ल्याएपछि…

२९ चैत। २ महिनादेखि परिवारमा सम्पर्क नरहेका मकवानपुर राक्सिराङ्ग ३ लावतीका वर्ष २५ का गोबिन्द प्रजा मृत फेला परेका छन् । मंगलबार एकाबिहानै कुकुरले मान्छेको टाउको गाउँमा ल्याई खेलाउँदै गर्दा खोजिनिति गर्दा उक्त टाउको मृतक प्रजाको भएको खुल्न आएको राक्सिराङ्ग ३ नम्बरका वडा अध्यक्ष उत्तम वाईबाले जानकारी दिए ।
मृतक प्रजाको बाँकी शरिरका भाग मानव कंकालको रुपमा गाउँदेखि झण्डै आधा किलोमिटर पर गुफादेबी सामुदायिक बन क्षेत्रमा स्थानिय गाउँले फेला परे पछि नेपाल प्रहरीलाई जानकारी गराइएको थियो । श्रोतका अनुसार प्रजा अधिक मात्रामा मदिरा सेवन गर्ने र घरमा सम्पर्क नगरी हिँड्ने गरेका थिए ।