सातदोबाटो–बालकुमारी सडक आजदेखि रातको समयमा बन्द

६ वैशाख । काम सकिनुपर्ने बेला निर्माणले बल्ल गति लिएको ललितपुरको सातदोबाटो–बालकुमारी सडक खण्ड बिहीबारदेखि केही दिन रातको समयमा बन्द हुने भएको छ । ग्वार्कोमा फ्लाइओभर निर्माणका लागि बन्द गरि लागिएको हो । बिहीबार ६ वैशाखदेखि ११ वैशाखमा सडक बन्द गरिने जनाइएकोे छ ।
दिनमा राति १० देखि बिहान ४ बजेसम्म सडक पूर्णरूपमा बन्द गरेर निर्माणको काम हुनेछ ।
ग्वार्को चोकमा २०७९ को मंसीरदेखि फ्लाइओभर निर्माण सुरू भएको थियो । दुई वर्षमा बनाइसक्ने गरी १२ फागुन २०७८ मा आशिष समानान्तर रेलिगेर जेभीले ठेक्का पाएको थियो ।