१०० दिनसम्म निरन्तर चलेको पहिलो बलिउड चलचित्र ‘आराधना’

मुम्बई
७ बैशाख । बलिउड चलचित्र ‘आराधना’ १०० दिनसम्म निरन्तर हलहरुमा चलेको पहिलो चलचित्र हो ।
यस चलचित्रमा राजेश खन्नासँग दिग्गज अभिनेत्री शर्मिला टैगोर देखिएकी थिइन् । यो चलचित्र प्रर्दशनको लगत्तै हिट भयो, चलचित्र केही समयमै ब्लकबस्टर साबित भयो। यो चलचित्र १९४६ को ‘आई कम टु इच माई ओन’ मा आधारित थियो। राजेश खन्नाका फ्यानहरू बाहेक अन्य मानिसले पनि यो चलचित्रलाई धेरै मन पराएका थिए र जसका कारण यो चलचित्र थिएटरबाट हटेन, यो चल्न तीन महिना भन्दा बढी चल्यो। अर्थात् एउटै चलचित्र सय दिनसम्म हलमा प्रदर्शन भइरहेको थियो ।
चलचित्र एकदमै शानदार भएको र राजेश खन्ना र शर्मिला टैगोरको अभिनयले मानिसको मन जितेको हुनाले अवार्ड पाउने पक्का थियो । यी दुवै स्टारलाई यो चलचित्रका लागि फिल्मफेयर अवार्ड दिइएको थियो भने चलचित्रले अन्य अवार्ड पनि जितेको थियो । चलचित्रको एउटा गीत पनि सुपरहिट भयो, जसको शब्द ‘मेरी सपनो की रानी कब आयेगी तू….’ यो गीत तपाईले पनि सुन्नु भएको होला ।
चलचित्र यति हिट भयो कि यसलाई तेलुगुमा रिमेक गरियो। यो रिमेक पनि निकै हिट भयो । चलचित्र केही महिना नभई झण्डै तीन वर्षसम्म देशभर प्रदर्शन भएको थियो ।
पछिल्लो केही दशकमा बलिउडमा धेरै हिट चलचित्र आए र यसले मानिसको मन जित्यो, जितिरहेको छ । आज पनि धेरै चलचित्रहरू छन्, जुन मानिसहरूले हेर्छन् र मन पराउँछन्। यसको कारण थियो ती बलिउड स्टारहरू, जसले दर्शकमा यस्तो छवि बनाएका थिए कि मानिसहरूले उनीहरूलाई भगवान जस्तै मान्न थाले ।
राजेश खन्ना पनि ती स्टारमध्ये एक थिए, जब उनको चलचित्र प्रर्दशन भयो, सिनेमाघरमा टिकट पाउन मुस्किल भयो र चलचित्र हेर्नको लागि मानिसहरु धेरै दिन पर्खिन थाले । उनको एउटा चलचित्रले बक्स अफिसको सम्पूर्ण रेकर्ड ध्वस्त पारेको थियो । चलचित्र लगातार सय दिनसम्म सिनेमा हलमा चलेको थियो ।