१९ वैशाख । टी–२० विश्वकपमा खेल्ने १५ सदस्यीय नेपाल स्क्वाड घोषणा गरिएको छ । नेपाल क्रिकेट संघ (क्यान) ले रोहित पौडेलको कप्तानीमा टीम घोषणा गरेको छ ।
नेपालको ओपनिङ जोडीमा नियमित ओपनरहरू कुशल भुर्तेल र आसिफ शेख समेटिएका छन् । वैकल्पिक ओपनिङ ब्याट्स म्यानका रूपमा अनिल साह छन् ।
मध्यक्रममा कप्तान रोहित पौडेल, कुशल मल्ल, सन्दीप जोरा, दीपेन्द्र सिंह ऐरी र गुल्शन झालाई समेटिएको छ । यीमध्ये रोहित कुशल, दीपेन्द्र र गुल्शन बलिङमा पनि योगदान दिन सक्छन् ।
खेलाडीहरू सोमपाल कामी, करण केसी, अविनाश बोहोरा, प्रतिस जिसी, कमलसिंह ऐरी, ललित राजवंशी र सागर ढकाल १५ सदस्यीय टीममा समेटिएका छन् ।
विश्वकपमा नेपालले पहिलो खेल जुन ४ मा नेदरल्यान्डस, दोस्रो खेल जुन १२ मा श्रीलंका, तेस्रो खेल जुन १५ मा दक्षिण अफ्रिका र चौथो खेल जुन १७ मा बंगलादेशसँग खेल्नेछ ।
प्रतिक्रिया