चलचित्र मनसरामा बाहुनको जनै चुडेको विवादास्पद दृश्य अनि लिम्बुवानको प्रसंग

ललितखबर
२१ वैशाख । चलचित्र मनसरामा केही विवादास्पद दृश्य रहेको पाइएको छ । चलचित्रको प्रिमियरको क्रममा चलचित्रमा बाहुन पात्र ददिराम पोखरेल (प्रविण पोखरेल)को मेनुका प्रधानले जनै चुडालिदिएको दृश्य रहेको पाइएको छ ।
बाहुन क्षेत्रीले आफ्नो धर्म संस्कृतीको प्रतिकको रुपमा जनै लगाउने गर्दछन् । यस्तो दृश्यले संस्कृतीमाथि प्रहार भएको प्रसंग प्रिमियरको क्रममा पत्रकारले उठाएका थिए । निर्देशक उपेन्द्र सुव्वाले त्यस्तो छैन होला भन्दै जवाफ फर्काएका थिए । उनले एउटा पात्र सम्झेर अगाडि बढ्ने हो भने त्यस्तो हैन होला भन्दै प्रतिवाद गरेका थिए ।
चलचित्रमा लिम्बुवानको प्रसंग चलचित्रमा राखिएको छ । पछिल्लो समय साविक एक नम्बर प्रदेश कोशी प्रदेश राखेपछि लिम्बुवान प्रदेश हुनुपर्ने माग उठेको छ । तर संसदले पारित नगर्दा विवाद कायमै छ ।
चलचित्रको कतिपय दृश्य हेर्दा बाहुन पात्रको खिल्ली उडाइएको हो कि भन्ने आशंका उत्पन्न हुन्छ ।