सुकेधाराकाे मुस्कान डान्स बारमा लुटपाट, ५ जना पक्राउ

४ जेठ । काठमाडौँ सुकेधारमा सञ्चालित मुस्कान डान्स बार एन्ड क्लबमा लुटपाट भएको छ । बिहीबार चार जना भारतीय नागरिकहरू सो डान्स बारमा लुटिएका हुन् । लुटमा संलग्न आरोपमा ५ जनालाई पक्राउ गरिएको जिल्ला प्रहरी परिसर काठमाडौँका एसपी नवराज अधिकारीले बताए । पक्राउ पर्नेमा सर्लाही घर भएकी २५ वर्षीय कविता योन्जन, लमजुङ घर भएका ३० वर्षीय प्रेमबहादुर गुरुङ, पाँचथर घर भएका २५ वर्षीय बीपन राई, काठमाडौँका सुजन महर्जन र बैतडी घर भएका १९ वर्षीय मनिष साउद छन् ।
आरोपीहरूले डान्स बारमा इन्जित सिंह सहितका भारतीयबाट १ लाख ६७ हजार लुटेका हुन् । घटनाबारे प्रहरी वृत्त महाराजगन्जले अनुसन्धान गरिरहेको छ ।