काठमाडौंको थलीमा शंकास्पद अवस्थामा अपरिचित पुरुष मृत फेला

काठमाडौं
८ जेठ । काठमाडौंको थलीमा एक अपरिचित पुरुष शंकास्पद अवस्थामा मृत फेला परेका छन् ।
थलीको उकालोमा शव देखेपछि स्थानीयले प्रहरीलाई खबर गरेका थिए ।
अन्दाजी ३५ वर्षीय पुरुषको अहिलेसम्मे परिचन नखुलेको प्रहरीले जानकारी दिएको छ ।
प्रहरी पुग्दा कालो कपडाले मुख छोपेको र उनको शरिरबाट रगत बगिरहेको थियो ।
शंकास्पद अवस्थामा शव फेला परेको र घटनाको अनुसन्धान भइरहेको जिल्ला प्रहरी परिसर काठमाडौं प्रहरी प्रवक्ता नवराज अधिकारीले जानकारी दिए ।
घटनास्थलमा प्रहरी टोली पुगेर मुचुल्का उठाउने लगायतका काम गरिरहेको छ ।