सुपरहिट बलिउड चलचित्र बोर्डरको सिक्वेलको तयारी

काठमाडौँ
११ जेठ । सन् १९९७ को सर्वकालीन ब्लकबस्टर फिल्म बोर्डरको सिक्वेलको तयारी सुरु भएको छ । यस चलचित्रममा सनी देओलसँगै आयुष्मान खुराना पनि मुख्य भूमिकामा देखिनेछन् । अब छिट्टै यो चलचित्रको छायांकन सुरु गर्ने निर्माण पक्षले जनाएको छ ।

मिडिया रिपोर्टका अनुसार बोर्डर २ को छायांकन अक्टोबरबाट सुरु हुने बताइएको छ ।

बोर्डर २ लाई जेपी दत्तले निर्देशन र निर्माण गर्न लागेका छन्, जसले १९९७ को बोर्डर पनि निर्देशन गरेका थिए । भूषण कुमार र जेपी दत्तकी छोरी निधि दत्तले पनि चलचित्र निर्माण गर्दैछन् । यस चलचित्रमा सनी देओल मेजर कुलदीपको भूमिकामा देखिनेछन् ।

चलचित्र सन् २०२६ मा भारतको गणतन्त्र दिवसको अवसरमा प्रर्दशन हुनेछ ।

सन्नी देओलका चलचित्रहरूको बारेमा कुरा गर्दा उनको अन्तिम चलचित्र गदर २ थियो, जुन बक्स अफिसमा सुपरहिट थियो । उनी चाँडै लाहोर १९४७, बाप, सूर्य र अपने २ मा देखिनेछन् । चलचित्र बोर्डर सन् १९९७ मा प्रदृशन भएको थियो । १० करोडमा बनेको यो चलचित्रले ६५ करोड कमाएको थियो । यो त्यो वर्षको सबैभन्दा ठूलो चलचित्र थियो ।