चलचित्र दान्भीको ट्रेलरमा अभिनेत्री पूजाको एक्सन अवतार

ललितखबर
१७ जेठ । अभिनेत्री पुजा शर्माको शिर्ष भूमिका रहेको चलचित्र दान्भीको ट्रेचर सार्वजनिक भएको छ । एक युट्युवमा विहीबार अपरान्ह अपलोड गरिएको ट्रेलरमा पुजा शर्माको एक्सन नै एक्सनले भरिएको दृश्यहरु देख्न सकिन्छ ।
ट्रेलरमा अभिनेता कुन्साङ बोमजोमको ठाँउ ठाँउमा दृश्यहरु छन् बाँकी दृश्यमा पुजा नै हावी छिन् । ट्रेलरमा अभिनेत्री पुजा शर्मा र राजाराम पौडेलको समेत अनुहार देखाइएको छ । ट्रेलर हेरेपछि दर्शकले चलचित्रको कथाबस्तु छेउटुप्पो बुझिदैन । लडाई झगडाले भरिएको ट्रेलर हेर्दा नेपाली अभिनेत्रीहरु चलचित्रमा यस्तो एक्सन पनि गर्न सक्छन् भन्ने देखाउन खोजिएको बुझ्न सकिन्छ ।
हातमा बन्चरो बोकेकी अभिनेत्रीको कतिपय दृश्य क्रुर र बर्बर रहेको देख्न सकिन्छ । चलचित्रमा श्री श्रेष्ठले एक्सन भूमिकामा अभिनेत्री शर्मालाई उतार्न काफी मेहनत गरेको अनुमान लगाउन सकिन्छ ।

रुपेश तामाङको निर्देशनमा निर्माण भएको यो चलचित्र आगामी असार ७ गते प्रर्दशन हुने गरि मिती तय गरिएको छ ।

हरि लामा घलेको छायांकनमा तयार भएको चलचित्रका सह–निर्देशक नवराज शर्मा हुन् ।चलचित्रको कथा रविना थापा मगरको छ भने पटकथा तथा संवाद संजोग रानाको छ । चलचित्रमा अर्जुन पोखरेलेको संगीत, कविराज गहतराजको कोरियोग्राफी समेटिएको छ ।

अनुप गदाल र देव मगरको लगानीमा तयार भएको यो चलचित्रको कमला लिम्बु र गोकुल सुवेदी सह–निर्माता छन् ।
दर्शकले साउथ र बलिउड चलचित्रमा हेर्दै आएकोे एक्सन नेपाली चलचित्रमा रहेको निर्माण पक्षको भनाई छ ।

चलचित्रको ट्रेलर राजधानीमा एक कार्यक्रम आयोजना गरेर सार्वजनिक गरिएको हो । गत वैशाख १० गते नै चलचित्र प्रर्दशनको मिती तय गरिएको भए पनि एकै दिन तीन चलचित्र प्रर्दशन सुरु हुने अवस्था आएपछि निर्माण पक्षले असार ७ गतेलाई चलचित्रको प्रर्दशन मिती तोकेको थियो ।