कान्तिपुर सहकारीका अध्यक्ष पक्राउ

१८ जेठ । काठमाडौंको बानेश्वर केन्द्रिय कार्यालय खडा गरेर कारोबार गर्दै आएको कान्तिपुर सेभिङ एन्ड क्रेडिट कोअपरेटिभ संस्थाका तत्कालीन अध्यक्ष सीबी लामा पक्राउ परेका छन् । लामो समयदेखि बचतकर्ताको रकम फिर्ता नगरेको सहकारीका सदस्यहरु कर्मामा छन् । गत फागुन ४ गते सहकारी समस्याग्रस्त घोषणा गरेपछि हाल कारोबार बन्द रहेको छ ।
काठमाडौं उपत्यका अपराध अनुसन्धान कार्यालयको टोलीले उनलाई भारतीय सीमा नजिकबाट पक्राउ गरेको छ ।
पक्राउ परेका लामालाई काठमाडौं ल्याउने तयारी छ । उनी अहिले पशुपति सेभिङ एन्ड क्रेडिटका समेत अध्यक्ष उनीमाथि कान्तिपुर सहकारीको ६ अर्ब र पशुपतिको २ अर्ब गरी ८ अर्ब रकम अपचलन गरेको आरोप छ ।