काठमाडौँ
१९ जेठ । चलचित्र ‘बेहुली फ्रम मेघौली’को पोस्टरमा अभिनेत्री स्वस्तिमा खड्का सारी चोलोमा सझिएर ट्याक्टर चलाउदै गरेको पोस्टर सार्वजनिक भएको छ ।
शनिबार सार्वजनिक पोस्टरमा फिल्मकी मुख्य अभिनेत्री स्वस्तिमा खड्का साडी र चोलीमा सजिएर उभिएर ट्याक्टर चलिरहेको देखाइएको छ ।
साजन काफ्ले र आकाश बरालको संयुक्त निर्देशनमा तयार भएको चलचित्रमा स्वस्तिमाको अपोजिटमा उनकै श्रीमान् तथा अभिनेता निश्चल बस्नेत रहेका छन् ।
आमिर गौतम, विजय बराल, सिम्रन खड्का लगायतको पनि अभिनय रहेको चलचित्रले एक बेहुलीको कथा भन्नेछ । चितवनको मेघौलीमा छायांकन गरिएको यो चलचित्रलाई दशैंमा ल्याउने घोषणा गरिए पनि यकिन मिति तय गरिएको छैन ।
स्वस्तिमा खड्का र निश्चल बस्नेतको निर्माण रहेको चलचित्रको कार्यकारी निर्मातामा शंकर पाण्डे र फिरोज खड्का छन् ।
स्वस्तिमाले पहिलोपटक चलचित्र निर्माणको अनुभव लिएकी हुन् । चलचित्रमा निर्देशकद्वय आकाश र साजनको संयुक्त लेखन छ । उनीहरुले यही चलचित्रबाट निर्देशनमा डेब्यु गरेका हुन् ।
प्रतिक्रिया